સુરત, 24 માર્ચ 2026: સાર્વજનિક યુનિવર્સિટી, સુરતે 24 માર્ચ 2026ના રોજ ઇન્ડિયા એક્સેલેરેટર સાથે વ્યૂહાત્મક ભાગીદારી સ્થાપિત કરી છે. આ MoU શ્રી અજિત શાહ, વાઈસ-ચેરમેન–2, સાર્વજનિક એજ્યુકેશન સોસાયટી અને ડૉ. કિરણ પંડ્યા, પ્રોવોસ્ટ – સાર્વજનિક યુનિવર્સિટી ની હાજરીમાં સહી કરવામાં આવ્યો. ડૉ. કિરણ પંડ્યાનું માર્ગદર્શન અને દ્રષ્ટિ યુનિવર્સિટીની નવીનતા અને ઉદ્યોગસાહસિકતા પ્રત્યેની પ્રતિબદ્ધતાને વધુ મજબૂત બનાવે છે. આ સહયોગનો મુખ્ય ઉદ્દેશ અકાદમિક ક્ષેત્ર અને ઉદ્યોગ વચ્ચેનો ગેપ દૂર કરીને નવીનતા અને સ્ટાર્ટઅપ ઇકોસિસ્ટમને મજબૂત બનાવવાનો છે.
આ MoU બે સંસ્થાઓ – સાર્વજનિક યુનિવર્સિટી અને ઇન્ડિયા એક્સેલરેટર – વચ્ચે કરવામાં આવ્યો છે. ઇન્ડિયા એક્સેલેરેટર ભારતના અગ્રણી ફંડ-લેડ સ્ટાર્ટઅપ એક્સેલેરેટર્સમાંનું એક છે જે મેન્ટરશિપ, ફંડિંગ સપોર્ટ અને ઉદ્યોગ સાથે મજબૂત જોડાણ માટે જાણીતી સંસ્થા છે. આ સહયોગ દ્વારા સાર્વજનિક યુનિવર્સિટીમાંથી ઊભા થતા સ્ટાર્ટઅપ્સને એક્સેલેરેશન પ્રોગ્રામ્સનો લાભ મળશે, જેથી તેઓ વૈશ્વિક સ્તરે વિકાસ કરી શકશે.
આ ભાગીદારીના મુખ્ય મુદ્દાઓ નીચે મુજબ છે:
• યુનિવર્સિટી દ્વારા ઇન્ક્યુબેટ કરાયેલા સ્ટાર્ટઅપ્સને એક્સેલેરેશન પ્રોગ્રામ્સમાં પ્રવેશ
• ઉદ્યોગ નિષ્ણાતો અને રોકાણકારો તરફથી માર્ગદર્શન
• ફંડિંગ, નેટવર્કિંગ અને માર્કેટ ઍક્સેસમાં સહાય
• વિદ્યાર્થીઓ માટે સ્ટાર્ટઅપ્સ અને એક્સેલેરેટર પ્રોગ્રામ્સમાં ઇન્ટર્નશિપની તક
• સંયુક્ત વર્કશોપ, ટ્રેનિંગ સેશન અને સ્ટાર્ટઅપ ડેમો ડેનું આયોજન
• નવા અને ઉદ્ભવતા ક્ષેત્રોમાં સેક્ટર-સ્પેસિફિક એક્સેલેરેટર પ્રોગ્રામ્સનું વિકાસ
• સ્ટાર્ટઅપ્સ માટે એલ્યુમનાઈ દ્વારા ફંડિંગ સપોર્ટની સુવિધા
આ સહયોગ દ્વારા ગોઠવાયેલ મેન્ટરિંગ, પ્રગતિનું નિરીક્ષણ અને ઉદ્યોગ આધારિત પ્રોજેક્ટ્સની તક પણ ઉપલબ્ધ થશે, જેથી વિદ્યાર્થીઓની નવીનતાઓ બજારમાં સફળ પ્રોડક્ટ્સ તરીકે વિકસી શકે. આ પ્રસંગે બંને સંસ્થાના પ્રતિનિધિઓએ ડૉ. કિરણ પંડ્યાના નેતૃત્વ હેઠળ અકાદમિક શ્રેષ્ઠતા અને ઉદ્યોગના અનુભવને એક સાથે લાવી નવીનતાને પ્રોત્સાહન આપવાની જરૂરિયાત પર ભાર મૂક્યો. આ MoU સાર્વજનિક યુનિવર્સિટીની ઉદ્યોગસાહસિકતા પ્રત્યેની પ્રતિબદ્ધતાનું પ્રતિબિંબ છે અને વિદ્યાર્થીઓને ગતિશીલ સ્ટાર્ટઅપ વિશ્વમાં સફળ થવા માટે જરૂરી માર્ગદર્શન, તકો અને સહાય પ્રદાન કરશે.
આ ભાગીદારી આવનારા વર્ષોમાં નવીનતા આધારિત વિકાસને પ્રોત્સાહન આપશે અને અસરકારક સ્ટાર્ટઅપ પહેલોને આગળ વધારવામાં મહત્વપૂર્ણ ભૂમિકા ભજવશે.